Gipuzkoako Foru Aldundiaren dirulaguntzari esker (eta baita Zundan ek musutruk egindako lanarengatik ere) KDE mahaigainaren 4.7 bertsioko modulu batzuetako POak euskaratu eta aurrez euskaratutakoak zuzendu edota eguneratu egin dira. Uneko proiektuan itzulitako moduluak hauek izan dira: Extragears-multimedia, Koffice, KDEnetwork eta KDE-baseapps. Modulu hauetako POak eskuratzeko joan Deskargak/POen atalera eta deskargatu KDE_4.7_eu.tar.gz fitxategia.

Laster batean KDE mahaigainean erabilgarri egongo direlakoan, on dagizuela!

Izan lehena artikuluari iruzkina sortzen

Argitaratu berri da GNOME 3.2 bertsioa, eta ohitura denez, aplikazio garrantzitsuenak euskaratuta daude. Bertsio hau euskaratzean Julen Ruiz Aizpururen laguntza ikaragarriarekin kontatzeaz gain, Eusko Jaurlaritzako Hizkuntza Politikarako Sailburuordetzak (http://www.euskara.euskadi.net ) sustatutako proiektuetatik ere erabili dira itzulpenak. Hauei zuzentzen diet nire eskerrik beroenak!

 GNOME 3.2 bertsioan, interfazeko mezuak % 96an daude euskaratuta honako helbidean ikus dezakezunez:

http://l10n.gnome.org/languages/eu/gnome-3-2/ui/

Gutxi barru egongo da bertsio hau zure GNU/Linux banaketa gogokoenean erabilgarri ;)

Bertsio hau eguneratzean ere, software libreko aplikazio ezagunetariko baten euskaraketa ere eguneratu da: Gimp .

On dagizuela!

Izan lehena artikuluari iruzkina sortzen